Олунньу 13 күнэ – Саха тылын, суругун –бичигин күнүгэр З.П Винокуров аатынан оҕо искусствотын 3-5 кылаас бары үөрэнээччилэригэр ZOOM нөҥүө төрөөбут тылы сөпкө суруйууга Саха диктант ыытылынна. Оҕолор Нам улууһун ытык киһитэ, ССРС культуратын туйгуна, Саха сирин суруйааччыларын сойууһун чилиэнэ, СӨ культуратын үтүөлээх үлэһитэ, Намнааҕы искусство оскуолатын арыйбыт ытыктыыр киһибит И.А Бубякин оҕолорго анаан суруйбут “Тайах” диэн тэттик кэпсээнинэн диктант суруйдулар. Оҕолор үлэлэриттэн көрдөххө хоһуласпыт бүтэй дорҕооннору, уһун аһаҕас дорҕооннору сыыһа суруйуулар бааллар. Уопсай түмүгүнэн үлэлэр наһаа мөлтөх буолбатахтар. Диктаны сөпкө суруйдулар фортепиано отделениетыттан Иванова Каролина, фольклор кылааһыттан Попова Таяна. Маны тэҥинэн 6-8 кылаастарга «Тыл хонуута» диэн викторина буолла. Викторина сахалыы тылы сөпкө суруйууттан саҕалаан, көппүт дорҕооннору туруоран тылы таһаарыы, биир темалаах тыллартан сыыһа киирбит тылы булуу, фольклор кылааһын үөрэнээччилэрэ оҥорбут сахалыы ребустарын таайыы курдук сорудахтартан турбута. Киирбит үлэлэртэн көрдөххө оҕолор сорудаҕы үксүн сөпкө толорбуттар. Сыыһата суох толордо Хамаҕатта филиалыттан Айгылаана Широких. Фортепиано кылааһын оҕолоро Павлова Ирена, Естафьева Сандаара эмиэ үчүгэй түмүгү көрдөрдүлэр. |