Муус устар 25 күнүгэр, Намнааҕы оҕо модельнай библиотекатыгар З.П. Винокуров аатынан Намнааҕы оҕо искусствотын оскуолатын уонна филиалларын үөрэнээччилэрин кытта көрүстүм. Бу көрсүһүү «Ситиһии ассамблеята» тэрээһин чэрчитинэн ыытылынна.

Искусство кэрэ эйгэтигэр үөрэнэр, уһуйуллар оҕолор олус интэриэһинэй, билиҥҥи олох актуальнай, тирээн турар боппуруостарын ыйытан соһуттулар да, сөхтөрдүлэр да. Ырыаһыт, үҥкүүһүт, уруһуйдьут, музыкальнай инструмеҥҥа оонньуур, фольклорга дьарыктанар оҕолорбут тустаах интэриэстэринэн, бэл диэтэр, тиис талонугар тиийэ ыйытыы биэрдилэр. Манан көрдөххө, кэрэ эйгэҕэ уһуйуллар оҕолорбут бары өттүнэн билиилээх-көрүүлээх, олоҕу кытта тэҥҥэ хардыылыыллара үөрдэр эрэ.

Көрсүһүүгэ киирбит ыйытыылары, этиилэри болҕомтоҕо ылан үлэлэһиэхпит. Кэлэр өттүгэр маннык көрсүһүүлэри үгэскэ кубулутуохха диэн түмүккэ кэллибит. Искусство кэрэ эйгэтигэр үөрэнэр оҕолорбутугар, үөрэтэр учууталларбытыгар ситиһиилэри баҕарабын.

https://t.me/namskiyulus/22929